Inedito
di Franciscu Carlini
Notti de luna prena
Torrada
In custa notti
de luna prena
su celu limpiu
s’airi sulena
prena de dolu
sena de speru
sena ’e consolu.
I
Su lettu e(st) fridu,
tristu e(st) coru,
no tengu prata
no tengu òru,
ma scéti a tui
o coru miu,
e ses pilloni
sena de niu.
Torrada
II
Béni nottesta
portau ’e su ’entu
a ndi studai
custu turmentu
chi abbrùxa(t) totu
e menti e venas
po m’intregai
a totu is penas.
Torrada
III
Oh, bentu bentu,
oberri is alas
in custa notti
de oras longas
de oras malas,
su nomi porta
sa boxi sua
si no seu morta.
Torrada
IV
In custa notti de fragu ’e
menta
in sa ventana
seu incarada,
scéti sa boxi
intendu in s’umbra,
chi e(st) de una rana
disisperada.
