SU SALUDU DE S’EMIGRANTI
STROFA 1^ - Ti saludu terra mia,
luxenti prus che istella;
addiu Sardigna bella,
ti lassu su coru miu
immui ca ti nau addiu.

RITORNELLO - SARDIGNA MIA ‘E SU CORU
SES TUI UNU GRANDU TESORU
CHI PORTU IN S’ANIMA MIA,
ADDIU SARDIGNA NODIA.

STROFA 2^ - Innoi deu lassu tottu,
nci lassu a mamma mia;
addiu terra nodia
bella prus che isposa,
addiu terra diciosa.

RITORNELLO - SARDIGNA MIA ‘E SU CORU
SES TUI UNU GRANDU TESORU
CHI PORTU IN S’ANIMA MIA,
ADDIU SARDIGNA NODIA

STROFA 3^ - Candu infollita s’arrosa
de tui m’app’a regordai,
no ti scaresciu mai,
addiu dom’e Maria,
addiu Sardigna mia.

RITORNELLO - SARDIGNA MIA ‘E SU CORU
SES TUI UNU GRANDU TESORU
CHI PORTU IN S’ANIMA MIA,
ADDIU SARDIGNA NODIA.

Testo di Sergio Talana